पुणे शहरातील पाच महाविद्यालयात ‘अकौंटन्सी म्युझियम’ची उभारणी | Sakal
sakal

बोलून बातमी शोधा

पुणे शहरातील पाच महाविद्यालयात ‘अकौंटन्सी म्युझियम’ची उभारणी
पुणे शहरातील पाच महाविद्यालयात ‘अकौंटन्सी म्युझियम’ची उभारणी

पुणे शहरातील पाच महाविद्यालयात ‘अकौंटन्सी म्युझियम’ची उभारणी

sakal_logo
By

पुणे, ता. १ : अकौन्टसीमध्ये होत गेलेली प्रगती, जुन्या काळातील हस्तलिखिते, व्यवहाराच्या बदलत्या पद्धती, जगभरातील संग्रहालयांमध्ये साठवलेल्या कलाकृतींची छायाचित्रे, महत्त्वाची जर्नल्स, जुने ताळेबंद अशी खासियत असणारे ‘अकौंटन्सी म्युझियम’ दि इन्स्टिट्यूशन ऑफ चार्टर्ड अकाउंटंट्स ऑफ इंडियाच्या (आयसीएआय) पुणे शाखेतर्फे शहरातील पाच महाविद्यालयात उभारले आहे.
आयसीएआय वेस्टर्न इंडिया रिजनल कौन्सिलच्या पुढाकारातून हा उपक्रम राबविण्यात आला. नेस वाडिया कॉलेज ऑफ कॉमर्स, अण्णासाहेब मगर महाविद्यालय (हडपसर) आणि एस. एम. जोशी महाविद्यालयातील या संग्रहालयाचे उद्‌घाटन ''आयसीएआय''च्या पुणे शाखेचे अध्यक्ष सनदी लेखापाल (सीए) समीर लड्डा यांच्या हस्ते झाले. याप्रसंगी उपाध्यक्षा सीए काशिनाथ पाठारे, सीए अमृता कुलकर्णी आदी उपस्थित होते. तर मॉडर्न कॉलेज ऑफ आर्ट्स, कॉमर्स अँड सायन्स (शिवाजीनगर) आणि मराठवाडा मित्र मंडळ कॉलेज ऑफ कॉमर्स या महाविद्यालयात संग्रहालयाचे उद्‌घाटन आयसीएआयच्या केंद्रीय समितीचे सदस्य, सनदी लेखापाल चंद्रशेखर चितळे यांच्या हस्ते झाले. यावेळी ‘आयसीएआय’चे शाखा प्रमुख दीपक कोरगावकर आदी उपस्थित होते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top