कोरोनानंतरच्या हृदयविकारांवर ‘ईईसीपी’ प्रभावी | Sakal
sakal

बोलून बातमी शोधा

कोरोनानंतरच्या हृदयविकारांवर ‘ईईसीपी’ प्रभावी
कोरोनानंतरच्या हृदयविकारांवर ‘ईईसीपी’ प्रभावी

कोरोनानंतरच्या हृदयविकारांवर ‘ईईसीपी’ प्रभावी

sakal_logo
By

पुणे, ता. ६ : कोरोनानंतर उद्भवणाऱ्या हृदयविकारच्या समस्यांवर ‘एक्सर्नल एन्हांस काउंटर पल्सेशन’ (ईईसीपी) उपचार प्रभावी ठरत असल्याचे संशोधन ‘युरोपियन हार्ट जर्नल’मध्ये प्रसिद्ध झाले आहे. या उपचारांमध्ये रुग्णाच्या हृदयाची क्षमता वाढते. दम कमी लागतो, असेही या संशोधनात नमूद केले आहे.
पुण्यात हे तंत्रज्ञान उपलब्ध असलेल्या ‘पूना प्रिव्हेंटिव्ह कार्डियोलॉजी सेंटर’च्या संचालिका डॉ. ज्योत्स्ना पाटील म्हणाल्या, ‘‘कोरोनामुक्त झालेल्यांमध्ये निर्माण होणाऱ्या हृदयविकारांचा अभ्यास जर्नलमध्ये करण्यात आला आहे. हृदयाच्या रक्तवाहिन्यांच्या अडथळ्यांवर ‘ईईसीपी’ या उपचारांची परिणामकता तपासण्यात आली. त्यातून सकारात्मक निष्कर्ष निघाला आहे. ‘ईईसीपीट’ ही संपूर्णतः बाह्य उपचारपद्धती असून, यात रुग्ण ॲडमिट न होता आपले दैनंदिन कामकाज करूनही उपचार घेतो.’’
कोरोनाच्या उद्रेकात ‘प्रिव्हेंटिव्ह हार्ट प्रोग्रॅमद्वारे’ ‘ईईसीपी’ या उपचारांचा वापर करण्यात आला आणि रुग्णांमध्ये अतिशय सकारात्मक परिणाम दिसल्याचे आढळले. अँजिओप्लास्टी बायपास टाळण्यासाठीही किंवा शस्त्रक्रिया पश्चात आढळणाऱ्या छातीतील वेदना, अंजायना, दम लागणे ‘हार्ट फेल्युअर’ या लक्षणांवरही या उपचारांचा अतिशय फायदा होत असल्याचे त्यांनी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top