जीवे मारण्याचा प्रयत्न करणाऱ्यास सक्तमजुरी | Sakal
sakal

बोलून बातमी शोधा

जीवे मारण्याचा प्रयत्न करणाऱ्यास सक्तमजुरी
जीवे मारण्याचा प्रयत्न करणाऱ्यास सक्तमजुरी

जीवे मारण्याचा प्रयत्न करणाऱ्यास सक्तमजुरी

sakal_logo
By

पुणे, ता. ८ : फायटर आणि फरशीच्या तुकड्याने मारहाण करीत जिवे मारण्याचा प्रयत्न केल्याप्रकरणी न्यायालयाने एकास पाच वर्षे सक्तमजुरी आणि ७५ हजार रुपये दंडाची शिक्षा सुनावली. सत्र न्यायाधीश पी. पी. जाधव यांनी हा आदेश दिला.
धनंजय शिवाजी मोरे (वय ४१, रा. राजेंद्रनगर) असे शिक्षा झालेल्याचे नाव आहे. या प्रकरणी विश्रामबाग पोलिस ठाण्यात गुन्हा दाखल झाला. सरकारी पक्षातर्फे सरकारी वकील विलास घोगरे व ॲड. प्रेमकुमार अगरवाल यांनी या खटल्याचे काम पाहिले. त्यांनी १२ साक्षीदारांची साक्ष नोंदविली. त्यामध्ये जखमी व्यक्ती आणि सोसायटीमधील प्रत्यक्षदर्शी यांची साक्ष महत्त्वाची ठरली. मोरे आणि जखमी फिर्यादी व्यक्ती एकाच भागात राहायला आहे. २५ एप्रिल २०१५ रोजी फिर्यादी त्याची गाडी घेण्यासाठी आला असता, मोरे याने त्यांना शिवीगाळ व मारहाण केली. या प्रकरणात आरोपीने मारहाण करण्यासाठी वापरलेले फायटर त्याने पंचासमक्ष पोलिसांकडे हजर केला होता. परंतु, दोन्ही पंच साक्षीदार फितूर झाले. त्यावर ॲड. अगरवाल यांनी सर्वोच्च न्यायालयाचे निवाडे सादर करून न्यायालयाला विनंती केली की पंच साक्षीदार फितूर झाले, तरीही तपास अधिकाऱ्यांची साक्ष ग्राह्य धरावी. मोरे याने भरलेल्या दंडापैकी ५० हजार रुपये जखमीला द्यावे, असे निकालात नमूद आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top