वैद्यकीय पदवी प्रवेशासाठी सोमवारपर्यंत मुदतवाढ | Sakal
sakal

बोलून बातमी शोधा

वैद्यकीय पदवी प्रवेशासाठी सोमवारपर्यंत मुदतवाढ
वैद्यकीय पदवी प्रवेशासाठी सोमवारपर्यंत मुदतवाढ

वैद्यकीय पदवी प्रवेशासाठी सोमवारपर्यंत मुदतवाढ

sakal_logo
By

पुणे, ता. १३ : राज्य सामाईक प्रवेश परीक्षा कक्षाने (सीईटी सेल) शैक्षणिक वर्ष २०२१-२२ मधील आरोग्य विज्ञान अभ्यासक्रमांतर्गत वैद्यकीय आणि दंत वैद्यकीय पदवी अभ्यासक्रमांच्या प्रवेशासाठी विद्यार्थ्यांना ऑनलाइन नोंदणी करण्यासाठी सोमवारपर्यंत (ता.१७) मुदतवाढ दिली आहे.
अभ्यासक्रमाच्या प्रवेशाच्या प्रतीक्षेत असलेल्या विद्यार्थ्यांना ऑनलाइन नोंदणी करता येणार आहे. अभ्यासक्रमाची तात्पुरती गुणवत्ता यादी गुरुवारी जाहीर होणार होती. परंतु विद्यार्थ्यांना ऑनलाइन नोंदणीसाठी मुदतवाढ दिल्याने अभ्यासक्रमाच्या प्रवेशाची प्रक्रियेत बदल करण्यात आला आहे. या प्रवेश प्रक्रियेचे सुधारित सविस्तर वेळापत्रक राज्य सामाईक प्रवेश परीक्षा कक्षाच्या ‘www.mahacet.org’ या संकेतस्थळावर ‘नीट-युजी’ येथे उपलब्ध करून दिली आहे, अशी माहिती ‘सीईटी सेल’तर्फे देण्यात आली आहे.

या प्रवेश प्रक्रियेतंर्गत सर्व आरोग्य विज्ञान पदवी अभ्यासक्रमाच्या प्रवेशाची सर्वसाधारण यादी आणि फेज-१, फेज-२, फेज-३ आणि कॅप फेरी अंतर्गत तात्पुरती गुणवत्ता यादी लवकरच जाहीर करण्यात येईल. प्रवेश प्रक्रियेच्या पहिल्या आणि दुसऱ्या टप्प्यात ऑनलाइन नोंदणी केलेल्या आणि नोंदणी शुल्क भरलेल्या विद्यार्थ्यांनी पुन्हा नोंदणी करण्याची गरज नाही, असेही सीईटी सेलने स्पष्ट केले आहे.
.........
या व्यावसायिक अभ्यासक्रमांचा समावेश
* एमबीबीएस, * बीडीएस * बीएएमएस * बीएचएमएस * बीयुएमएस * बीपीटीएच * बीओटीएच * बीएएसएलपी * बीपी ॲण्ड ओ * बी.एस्सी नर्सिंग
....
आरोग्य विज्ञान पदवी अभ्यासक्रमाचे सुधारित वेळापत्रक
तपशील : कालावधी
- ऑनलाइन नोंदणी अर्ज करणे : १७ जानेवारी
- नोंदणी शुल्क भरणे, त्यासाठी ऑनलाइन पेमेंटची प्रक्रिया पूर्ण करणे : १७ जानेवारी
- प्रवेशासाठी आवश्यक कागदपत्रे अपलोड करणे : १७ जानेवारी

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top