गॅस पाइपलाइनची देखभाल-दुरुस्ती | Sakal
sakal

बोलून बातमी शोधा

गॅस पाइपलाइनची देखभाल-दुरुस्ती
गॅस पाइपलाइनची देखभाल-दुरुस्ती

गॅस पाइपलाइनची देखभाल-दुरुस्ती

sakal_logo
By

पुणे, ता. ४ ः महाराष्ट्र नॅचरल गॅस लिमिटेड (एमएनजीएल), गेल आणि बीपीसीएलच्या संयुक्त उपक्रमातून पिंपरी-चिंचवड आणि चाकण, तळेगाव आणि हिंजवडी या भागांसह शहरात गॅसचे वितरण केले जाते. दहेज-उरण-दाभोळच्या क्रॉस-कंट्री पाइपलाइनवरील कारेगाव-पुणे पाइपलाइनद्वारे गॅसपुरवठा केला जातो. या पाइपलाइनची देखभाल-दुरुस्ती ६ ते ११ जानेवारी यादरम्यान गेल या कंपनीकडून केली जाणार आहे, अशी माहिती कंपनीने दिली आहे.
एमएनजीएलने ९० हून अधिक सीएनजी स्टेशनची स्थापना केली आहे. त्याद्वारे साडेतीन लाखांहून अधिक घरगुती, औद्योगिक आणि व्यावसायिक ग्राहकांना या भागात सेवा पुरवली जात आहे. या मार्गावरील पाइपलाइनची नियमित देखभाल (मेन्टेनन्स) केली जाणार आहे. या दरम्यान योग्य ती काळजी घेतली जाणार आहे. प्रामुख्याने घरगुती गॅसचा पुरवठा बंद पडू देणार नाही, असे प्रयत्न आहेत. मात्र, या दरम्यान पाइपलाइन नेटवर्कमध्ये कमी दाब निर्माण झाल्याने औद्योगिक ग्राहकांच्या पुरवठ्यावर परिणाम होऊ शकतो. त्यामुळे ग्राहकांनी आवश्यक ती व्यवस्था करावी, असे आवाहन कंपनीने केले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top