टीईटी घोटाळाप्रकरणी त्रिपाठीला जामीन

पुणे, ता. २१ : टीईटी परीक्षा घोटाळाप्रकरणी अटकेत असलेले एजंट सौरभ त्रिपाठी याला उच्च न्यायालयाने जामीन मंजूर केला आहे. न्यायाधीश सी.व्ही. भडंग यांना हा आदेश दिला. या गुन्ह्यात पोलिसांनी त्याला डिसेंबर २०२१ मध्ये उत्तरप्रदेश येथून अटक केली होती. अपात्र विद्यार्थ्यांकडून पैसे घेऊन त्यांना पात्र दाखवण्याचे काम त्रिपाठी हा करत असल्याचा आरोप त्याच्यावरती ठेवला होता. त्रिपाठी याच्यावतीने ॲड.अनिकेत निकम यांनी मुंबई उच्च न्यायालयात बाजू मांडली. ज्या कंपनीला परीक्षा घेण्याची जबाबदारी २०१८ मध्ये सोपविण्यात आली होती. त्या कंपनीशी त्रिपाठी संबंधित नव्हता. तसेच या प्रकरणात त्यांना कुठल्याही प्रकारचा आर्थिक फायदा झाला नाही, असा युक्तिवाद ॲड. निकम यांनी केला.