संभाजी भिडेंविरोधात कुठलाही पुरावा नाही | Sakal
sakal

बोलून बातमी शोधा

संभाजी भिडेंविरोधात कुठलाही पुरावा नाही
संभाजी भिडेंविरोधात कुठलाही पुरावा नाही

संभाजी भिडेंविरोधात कुठलाही पुरावा नाही

sakal_logo
By

पुणे, ता. ४ : कोरेगाव भीमा येथे दंगल झाल्याप्रकरणी दाखल असलेल्या गुन्ह्यात शिवप्रतिष्ठान हिंदुस्थानचे संस्थापक संभाजी भिडे यांच्या विरोधात पोलिस तपासात कोणताही पुरावा आढळलेला नाही. त्यामुळे त्यांच्या विरोधात दोषारोपपत्र दाखल केले नाही. पुणे ग्रामीण पोलिसांनी राज्य मानवी आयोगाला याबाबतची माहिती दिली.
या प्रकरणात चाळीसहून अधिक जणांवर गुन्हे असून, काही महिन्यांपूर्वी दोषारोपपत्र दाखल केले आहे. दरम्यान, या तक्रारीनुसार पोलिसांनी तपास केला. यामध्ये संभाजी भिडे यांच्याविरोधात कोणताही पुरावा मिळून आला नाही. त्यामुळे त्यांच्यावर दोषारोप ठेवलेला नाही. इतर आरोपींच्या विरोधात शिवाजीनगर न्यायालयात दोषारोपपत्र दाखल केले आहे, असे भिडे यांचे वकील ॲड. पुष्कर दुर्गे यांनी सांगितले.
याबाबत दाखल गुन्ह्यातील आरोपी यांचा सदर गुन्ह्यामध्ये सहभाग असणे, अगर कट रचन्याबाबत बारकाईने प्रत्यक्ष व अप्रत्यक्ष साक्षीदार तपासले आहेत. तसेच पुरावे मिळण्याच्या दृष्टीने बारकाईने तपास करूनही भिडे यांच्याविरुद्ध कोणताही ठोस पुरावा किंवा गुन्ह्यात सहभागाबाबत साक्षीदार मिळून येत नाही. तसेच गुन्हा घडला त्यावेळी ते सांगली जिल्ह्यात उपस्थित असल्याबाबत साक्षीदार सांगत आहेत. त्यामुळे तपासाअंती भिडे यांच्याविरुद्ध दोषारोप ठेवता आला नाही, असे पोलिसांनी सादर केलेल्या माहितीत नमूद केले आहे.


या प्रकरणात काही महिन्यांपूर्वी दाखल झालेल्या दोषारोपपत्रात भिडे यांच्या विरोधात कुठलाही पुरावा सापडला नसल्याचे नमूद केलेले आहे. त्यामुळे त्यांच्या नावाचा उल्लेख आरोपी म्हणून दोषारोप पत्रात केलेला नाही.
- ॲड. पुष्कर दुर्गे, भिडे यांचे वकील

Web Title: Todays Latest Marathi News Pct22b12752 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top