‘क्वीन्सलँड’कडून डॉ. मराठे यांना एम.फिल.

पुणे, ता. ५ : पुण्यातील बाल हृदय शल्यचिकित्सक डॉ. सुप्रीत प्रकाश मराठे यांना ऑस्ट्रेलिया येथील जगविख्यात क्वीन्सलँड विद्यापीठाकडून बाल हृदय शल्य चिकित्सा विभागात एम.फिल. प्रदान करण्यात येत आहे. त्यांना प्रख्यात बाल ह्रदय शल्य चिकित्सा तज्ज्ञ डॉ. नेल्सन अल्फान्सो यांचे मार्गदर्शन लाभले. डॉ. मराठे यांचे अनेक शोधनिबंध विविध राष्ट्रीय व आंतरराष्ट्रीय नियतकालीकांमधून प्रसिद्ध झालेले आहेत. सध्या ते ऑस्ट्रेलियात ब्रिस्बेन येथील क्वीन्सलँड चिल्ड्रेन्स हॉस्पिटलमध्ये कार्यरत आहेत. पुणे येथील नेत्रतज्ज्ञ डॉ. प्रकाश मराठे यांचे ते चिरंजीव होत.