निर्बंधमुक्त मिरवणुकीच्या निषेधार्थ नागरीकांकडून पोलिसांना गुलाब पुष्प देत "गांधीगिरी" | Sakal
sakal

बोलून बातमी शोधा

निर्बंधमुक्त मिरवणुकीच्या निषेधार्थ नागरीकांकडून पोलिसांना गुलाब पुष्प देत "गांधीगिरी"
निर्बंधमुक्त मिरवणुकीच्या निषेधार्थ नागरीकांकडून पोलिसांना गुलाब पुष्प देत "गांधीगिरी"

निर्बंधमुक्त मिरवणुकीच्या निषेधार्थ नागरीकांकडून पोलिसांना गुलाब पुष्प देत "गांधीगिरी"

sakal_logo
By

मिरवणुकीतील गैरव्यवस्थापनाबाबत पोलिसांना गुलाबपुष्प

पुणेकर नागरिकांच्या एका गटाकडून नोटीस देऊन निषेध

पुणे, ता. १२ : सत्ताधारी राजकीय पक्षाच्या दबाव तंत्रामुळे गणेशोत्सवात अनेक मंडळांनी ध्वनिप्रदूषण नियमांचे उल्लंघन करूनही त्यांच्या विरुद्ध कुठल्याही प्रकारची कारवाई पोलिसांनी केली नाही. त्याबाबत पुणेकरांच्या गटाने सोमवारी (ता. १२) पोलिस आयुक्तालयातील अधिकाऱ्यांना गुलाबपुष्प देत निषेध नोंदविला. तसेच, विसर्जन मिरवणुकीतील गैरव्यवस्थापनाबाबत पोलिसांना नोटीस दिली आहे.

पुणेकरांच्या एका गटाने सोमवारी सहायक पोलिस आयुक्त राजेंद्र गलांडे यांना निवेदन व गुलाबपुष्प दिले. यावेळी डॉ. विश्वंभर चौधरी, मुकुंद किर्दत, निखिल जोशी, उत्पल व्ही. बी., ॲड. अजित देशपांडे, ॲड. अक्षय देसाई, ॲड. तृणाल टोणपे आदी उपस्थित होते. विसर्जन मिरवणुकीत सर्वोच्च न्यायालयाने दिलेल्या आदेशाचे उल्लंघन करण्यात आले. मानाच्या गणपती मंडळांनी विसर्जन मिरवणुकीसाठी घेतलेला वेळ, ढोल-ताशा पथकांतील वादकांची संख्या मर्यादित ठेवण्याकडे दुर्लक्ष, मिरवणुकीतील कायदा-सुव्यवस्था राखण्यात आलेले अपयश, ध्वनिवर्धकांचा वापर, प्रखर प्रकाशझोत अशा मुद्यांकडे लक्ष वेधणारी नोटीस पोलिसांना दिली आहे. या नोटिशीला येत्या सात दिवसांत पोलिस प्रशासनाने उत्तर न दिल्यास कायमस्वरूपी तोडगा काढण्यासाठी उच्च न्यायालयात जाण्याचा इशाराही पुणेकर नागरिकांच्या या गटाने दिला आहे.

Web Title: Todays Latest Marathi News Pct22b13484 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..