शहरात गुरुवारपर्यंत पावसाचा मुक्काम | Sakal
sakal

बोलून बातमी शोधा

शहरात गुरुवारपर्यंत पावसाचा मुक्काम
शहरात गुरुवारपर्यंत पावसाचा मुक्काम

शहरात गुरुवारपर्यंत पावसाचा मुक्काम

sakal_logo
By

पुणे, ता. १३ : बंगालच्या उपसागरातील हवेचे कमी दाबाचे क्षेत्र क्षीण होत असले, तरी पुण्यासह राज्यात मॉन्सून अजूनही सक्रिय आहे. आजही शहर व परिसरात सकाळपासूनच हलक्या ते मध्यम स्वरूपाच्या सरींनी हजेरी लावली. गुरुवार (ता.१५) पर्यंत पुण्यासह राज्यभरात आकाश प्रामुख्याने ढगाळ आणि दुपारनंतर एक-दोन जोरदार सरींची शक्यता हवामान खात्याने वर्तविली आहे.
कोकण किनाऱ्यावरील चक्राकार वारे, अरबी समुद्रातून येणारी बाष्पयुक्त ढग आणि बंगालच्या उपसागरातील कमी दाबाचे क्षेत्र यामुळे राज्यात मॉन्सूनच्या पावसाने धुमाकूळ घातला आहे. दिवसभर आकाश प्रामुख्याने ढगाळ आणि दुपारनंतर हलक्या ते मध्यम स्वरूपाच्या सरी कोसळत आहे. पुणे व परिसरात मंगळवारी सकाळपासूनच हलक्या सरींना सुरवात झाली होती, काही ठिकाणी मध्यम स्वरूपाच्या पावसाची नोंद झाली. सततच्या पावसामुळे झाडांच्या फांद्या तुटणे किंवा उन्मळून पडणे, रस्ते निसरडे होणे, रस्त्यावर खड्डे पडणे आणि सखल भागात पाणी साचण्याच्या घटना घडू शकतात, अशी शक्यता हवामान खात्याने वर्तवली.
पुढील दोन दिवस कोकण, घाटमाथा आणि दक्षिण महाराष्ट्रात हलक्या ते मध्यम स्वरूपाच्या पावसाची शक्यता आहे. त्यानंतर काही अंशी पावसाची तीव्रता कमी होईल, असे संकेत आहेत. याच काळात विदर्भ आणि मराठवाड्यात तुरळक ठिकाणी पावसाची शक्यता कायम आहे.

पुणे शहरातील पाऊस (रात्री ९ पर्यंत, मिमी)
शिवाजीनगर : ३.१
लोहगाव : २.६
चिंचवड : १२.५

Web Title: Todays Latest Marathi News Pct22b13492 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..