चकोते...पारंपारिकतेला आधुनिकतेची जोड

पुणे, ता. २४ : उद्योग जगतातील एक दिग्गज पाउल.. दिवसाला दीडशे टन उत्पादन... सुसज्ज लॅब, आकर्षक पॅकेजिंग... ऑर्डर, बिलिंग ते वितरकांपर्यंत प्रॉडक्ट पोहोचवण्याचे अचूक व्यवस्थापन.. बेकरी सारख्या बेभरवशाच्या उद्योगातून गुणवत्तापूर्ण स्वादिष्ट व रुचकर पदार्थांची चकोते मालिका ग्राहकांमध्ये आता लोकप्रिय झाली आहे.

नांदणीतील ‘चकोते उद्योग समुह’ हा आण्णासाहेब चकोते यांनी शुन्यातून निर्माण केला आहे. हा ‘ब्रॅण्ड’ सध्या प्रत्येकाच्या मनावर अधिराज्य गाजवतोय. एका शेडमध्ये या उद्योगाची मुहूर्तमेढ रोवली गेली आणि आण्णासाहेबांच्या जिद्द, चिकाटीच्या जोरावर या उद्योगाने खऱ्या अर्थाने गगनभरारी घेतली. महाराष्ट्र, कर्नाटक, गोवा व आंध्रप्रदेशमधील गावागावात, घराघरात हा ब्रँड पोहोचला आहे. या तसेच महाराष्ट्रातच नव्हे तर जगभरात प्रसिद्ध असणारी पारंपरिक कोल्हापुरी शाही खाद्य संस्कृतीला जपणारी नमकीन उत्पादनदेखील आपली ओळख निर्माण करतील, हा विश्वास आण्णासाहेब चकोते यांना आहे. आण्णासाहेबांची मुलगी ऋतुजा, मुलगा अभिषेक व भाचे शुभम हे फुड टेक्नॉलॉजीच्या पदवी लंडन, न्यूझीलंड या देशातून घेऊन आपल्या गावातील नवीन प्रकल्पांमध्ये आपापली जबाबदारी सांभाळत आहेत.