मिळकतकर सवलत; मुंबईत आज बैठक | Sakal
sakal

बोलून बातमी शोधा

मिळकतकर सवलत;
मुंबईत आज बैठक
मिळकतकर सवलत; मुंबईत आज बैठक

मिळकतकर सवलत; मुंबईत आज बैठक

sakal_logo
By

पुणे, ता. १३ ः पुणेकरांना मिळणारी मिळकतकरातील ४० टक्के सवलत रद्द झाल्यानंतर तीन वर्षांपासून त्याची फरकाची रक्कम वसूल केली जाणार आहे. यामुळे नागरिकांमध्ये प्रचंड असंतोष निर्माण झालेला आहे. यावर आता तोडगा काढण्यासाठी उच्च व तंत्र शिक्षण मंत्री चंद्रकांत पाटील यांनी उद्या (ता. १४) मुंबईत बैठक आयोजित केली आहे.
राज्य सरकारच्या आदेशानुसार, महापालिकेने १९७० पासून निवासी मिळकतींना देण्यात येत असलेली ४० टक्के सवलत २०१९ पासून रद्द करण्यात आली. महापालिकेने ९७ हजार नागरिकांना २०१९ ते २०१२ या तीन वर्षांतील फरकाची रक्कम वसूल करण्यासाठी मेसेज पाठविले. त्यानंतर आता पुढच्या टप्प्यात सुमारे ५ लाख नागरिकांना याचा फटका बसणार आहे. ‘सकाळ’ने हा मुद्दा उचलून नागरिकांवर होणाऱ्या अन्यायाला वाचा फोडली. आयुक्त विक्रम कुमार यांनी या वसुलीस तात्पुरती स्थगिती दिली आहे. त्यानंतर आता मुंबईत बैठक होणार आहे.
चंद्रकांत पाटील यांच्या दालनात ही बैठक होणार असून राज्याचे प्रधान सचिव व इतर अधिकारी महापालिकेच्या अधिकाऱ्यांनाही या बैठकीस तयारीनिशी उपस्थित राहण्याचा निरोप देण्यात आला आहे. भाजपचे काही पदाधिकारी उपस्थित राहणार आहेत. त्यामुळे या बैठकीत नेमका काय निर्णय होणार? पुणेकरांना दिलासा मिळणार का? याकडे लक्ष लागले आहे.

Web Title: Todays Latest Marathi News Pne22b70305 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..