महाराष्ट्र दिनानिमित्त एक मे रोजी ध्वजवंदन

पुणे, ता. २८ : महाराष्ट्र राज्य स्थापनेच्या वर्धापन दिनानिमित्त रविवारी (ता. १) सकाळी आठ वाजता शिवाजीनगर येथे पोलिस संचलन मैदानावर उपमुख्यमंत्री अजित पवार यांच्या हस्ते ध्वजवंदनाचा मुख्य समारंभ होणार आहे.
राष्ट्रध्वजास मानवंदना तसेच पोलिस दल, गृहरक्षक दल, नागरी संरक्षण दलाकडून संयुक्त संचलन होणार आहे. शहरातील राज्य सरकारचे विभाग प्रमुख, कार्यालयीन प्रमुख आणि विविध क्षेत्रातील व्यक्तींनी समारंभास सकाळी ७.४५ वाजता उपस्थित राहावे, असे आवाहन निवासी उपजिल्हाधिकारी हिम्मत खराडे यांनी केले आहे. निमंत्रितांना मुख्य सरकारी समारंभात सहभागी होता यावे, यासाठी सकाळी ७.१५ ते ९ या कालावधीत ध्वजवंदन किंवा इतर सरकारी कार्यक्रम आयोजित करण्यात येऊ नये, अशा सूचना खराडे यांनी दिल्या आहेत.