फसवणूकप्रकरणी जामीन फेटाळला

पुणे, ता. ४ : भागीदारीत पब-हॉटेल चालविताना सुमारे दोन कोटींचा अपहार करून भागीदारांची फसवणूक केली, याप्रकरणी हॉटेलचालकाचे वडील व भावाचा अटकपूर्व जामीन न्यायालयाने फेटाळला. सत्र न्यायाधीश जी. पी. अगरवाल यांनी हा आदेश दिला. किशोरकुमार श्रीनिवास शेट्टी (वय ६३) आणि नील किशोर शेट्टी (वय २२) यांचा अटकपूर्व जामीन फेटाळला. त्यांच्यासह अंशुल किशोर शेट्टी (वय २८, तिघेही रा. प्रभात रस्ता, एरंडवणा) याच्यावर बंडगार्डन पोलिस ठाण्यात गुन्हा दाखल आहे. याबाबत विश्‍वजीतराजे नाईक निंबाळकर यांनी फिर्याद दिली. ही घटना जुलै २०१९ ते फेब्रुवारी २०२० दरम्यान राजाबहादूर मिल कंपाउंड परिसरात घडली.