‘फ्रंटियर गांधी’ माहितीपटाचे शुक्रवारी सादरीकरण

पुणे, ता. ३ ः ‘फ्रंटियर गांधी : बादशाह खान, ए टॉर्च ऑफ पीस’ या माहितीपटाचे सादरीकरण शुक्रवारी (ता. ६) सायंकाळी सहा वाजता, गांधी भवन कोथरूड येथे करण्यात येणार आहे. महाराष्ट्र गांधी स्मारक निधी, युवक क्रांती दल आणि ‘सृष्टी’ या संस्थांच्या वतीने आयोजन करण्यात आले आहे. तसेच या कार्यक्रमात दिग्दर्शिका टेरी मॅकलुहान यांच्याशी अमेरिकेतून थेट संवाद साधण्यात येणार आहे. हा माहितीपट २० वर्षांच्या परिश्रमातून २००८ मध्ये पूर्ण झाला. मात्र जागतिक स्तरावरील विविध पुरस्कार मिळवलेला हा माहितीपट भारतामध्ये आजवर केवळ एक ते दोन शहरातच दाखवला गेला असल्यामुळे पुण्यात याचे सादरीकरण होणार आहे. संयोजन समितीच्या वतीने संदीप बर्वे, प्रशांत कोठडिया यांनी पत्रकाद्वारे ही माहिती दिली.