‘निराकार परमात्म्याला पाहूनच भक्तिमय जीवनाचा प्रारंभ’

पुणे, ता. ४ ः ‘निराकार परमात्म्याला पाहून, जाणून त्याच्याशी प्रेमाचे नाते जोडल्यानेच भक्तिमय जीवनाचा प्रारंभ होतो आणि जीवनामध्ये आनंदाची अनुभूती प्राप्त होते,’ असे मत निरंकारी सद्‍गुरू माता सुदीक्षाजी महाराज यांनी नुकतेच व्यक्त केले. वाघोलीतील महालक्ष्मी लॉन्समध्ये आयोजित एक दिवसीय निरंकारी संत समागमामध्ये त्या बोलत होत्या. या कार्यक्रमामध्ये पुण्यासह नाशिक, सातारा, कोल्हापूर, सांगली, नगर, औरंगाबाद येथील निरंकारी भक्तही सहभागी झाले होते. संत निरंकारी मंडळाचे पुणे झोन प्रभारी ताराचंद करमचंदानी यांनी माताजींचे आभार मानले.
---------------------