एमपीएससीतील यशस्वी उमेदवारांचा सत्कार

पुणे, ता. ५ : महाराष्ट्र लोकसेवा आयोगाच्या (एमपीएससी) परीक्षेत यश मिळविणाऱ्या उमेदवारांचा सत्कार इन्फिनिटी इंजिनिअरिंग अॅकॅडमीतर्फे करण्यात आला. यावेळी जलसंपदा विभागाचे माजी सचिव कटराव गायकवाड, अविनाश सुर्वे, राजेंद्र पवार, प्रवीण कोल्हे, अतुल चव्हाण, अनुराधा चव्हाण, गिरीश खेडकर, स्वप्नील भोर आदी उपस्थित होते. या वेळी गायकवाड म्हणाले, ‘‘भावी स्थापत्य अभियंता अधिकारी यांच्या समोर प्रशासनामध्ये विविध आव्हाने असणार आहेत. परंतु जनहित केंद्रबिंदू मानून प्रामाणिकपणे काम केले तर लोकहिताचे ठरेल.’’ तसेच कोणतेही काम करताना आत्मविश्वासाने काम करण्याचा सल्लाही त्यांना दिला. सूत्रसंचालन जयपाल खेडकर यांनी केले. प्रमोद देशकरी यांनी आभार मानले.