कासारवाडीत तरुणाची आत्महत्या

पिंपरी, ता. ५ : दुमजली उड्डाणपुलावरून उडी मारून तरुणाने आत्महत्या केल्याची घटना कासारवाडी येथे घडली.
शुभम कांबळे (वय २७, रा. सम्राटनगर, पिंपळे सौदागर) असे आत्महत्या केलेल्या तरुणाचे नाव आहे. बुधवारी (ता. ५) दुपारी साडेतीनच्या सुमारास शुभम हे कासारवाडीतील पुलावरील भोसरीकडे जाणाऱ्या मार्गिकेवर दुचाकीवरून आले. तेथे दुचाकी उभी करून खाली उडी मारली. रस्त्यावर पडल्याने ते गंभीर जखमी झाले. उपचारासाठी तातडीने रुग्णालयात दाखल करण्यात आले. मात्र, उपचारापूर्वीच त्यांचा मृत्यू झाल्याचे डॉक्टरांनी सांगितले. ते अविवाहित होते.
दरम्यान, शुभमजवळ चिठ्ठीत ‘मला जीवनात एकाकी झाल्यासारखा वाटत असल्याने मी आत्महत्या करीत आहे, माझ्या मृत्यूला कोणालाही जबाबदार धरू नये'' असे नमूद असल्याची माहिती पोलिस निरीक्षक जितेंद्र कदम यांनी दिली.
----------------