महाराष्ट्रदिनी ४२ पोलिसांचा सन्मान

पुणे, ता. ७ ः राज्याच्या गृह विभागातर्फे महाराष्ट्र दिनानिमित्त जाहीर करण्यात आलेले पोलिस महासंचालक सन्मानचिन्ह प्रदान कार्यक्रम शिवाजीनगर पोलिस मुख्यालयात नुकताच संपन्न झाला. पोलिस आयुक्त अमिताभ गुप्ता यांच्या हस्ते शहरात पोलिस दलातील ४२ पोलिस कर्मचारी व अधिकाऱ्यांना सन्मानचिन्ह देण्यात आले. पोलिस सहआयुक्त संदीप कर्णिक, अतिरिक्त पोलिस आयुक्त डॉ. जालिंदर सुपेकर, रामनाथ पोकळे, नामदेव चव्हाण, राजेंद्र डहाळे आदी उपस्थित होते. शहर पोलिस दलातील सहाय्यक पोलिस आयुक्त बजरंग देसाई, पोलिस निरीक्षक बालाजी पांढरे, पोलिस निरीक्षक मनीषा झेंडे, पोलिस निरीक्षक हेमंत पाटील, पोलिस निरीक्षक विजय कुंभार, पोलिस निरीक्षक संदीप भोसले, पोलिस निरीक्षक प्रकाश पासलकर, सहाय्यक पोलिस निरीक्षक प्रवीण शिर्के, शरद माने, प्रवीण केंकरे, कैलास डाबेराव, रवींद्र राऊत यांच्यासह इतरांना सन्मानित करण्यात आले.