गुन्हेगारांच्या टोळीविरुद्ध मोक्का

पुणे, ता. ७ ः हडपसर परिसरात गंभीर स्वरूपाचे गुन्हे करून नागरिकांमध्ये दहशत निर्माण करण्याचा प्रयत्न करणाऱ्या सराईत गुन्हेगारांच्या टोळीविरुद्ध महाराष्ट्र संघटित गुन्हेगारी प्रतिबंध कायद्यानुसार (मोक्का) कारवाई करण्यात आली आहे. अक्षय दशरथ अकोलकर (वय २३ रा. नाना पेठ), वेदांत नवनाथ बानवसे (वय १९) तन्मय गणेश कांबळे (वय १९) यांच्यासह त्यांच्या तीन अल्पवयीन साथीदारांविरुद्ध मोक्का अंतर्गत आणि तीन अल्पवयीन साथीदार अशी कारवाई केलेल्यांची नावे आहेत. अकोलकर याच्याविरूद्ध खून, खुनाचा प्रयत्न, खंडणीची मागणी, हत्यारासह गंभीर दुखापत करणे असे सहा गंभीर स्वरूपाचे गुन्हे दाखल आहेत. अकोलकर याने हडपसर परिसरात टोळीच्या वर्चस्वासाठी दहशत निर्माण करून लूटमार केली. अवैध मार्गाने आर्थिक लाभ व्हावा, यासाठीही दहशत निर्माण केल्याचे पोलिसांच्या तपासात निष्पन्न झाले.