मारहाणप्रकरणी तिघांना अटक

पुणे, ता. ७ ः किरकोळ वादातून तिघांनी सायकलस्वार तरुणाला बांबूने मारहाण करीत त्याच्यावर कोयत्याने वार केले. याप्रकरणी खडक पोलिसांनी दुचाकीस्वारासह तिघांना अटक केली. ही घटना गुरुवार पेठेतील कस्तुरे चौकात घडली. ऋतुराज दत्तात्रेय क्षीरसागर (वय १९), नीलेश शिवलाल बिरादार (वय १९), आशुतोष अनिल वाघमारे (वय १९, तिघे रा. महात्मा फुले पेठ) अशी अटक केलेल्यांची नावे आहेत. त्यांच्या एका अल्पवयीन साथीदारालाही ताब्यात घेण्यात आले आहे. याप्रकरणी शुभम राजेंद्र मायने (वय २४, रा. महात्मा फुले पेठ) याने खडक पोलिस ठाण्यात फिर्याद दिली आहे. फिर्यादी मायने हा गंभीर जखमी असून त्याच्यावर खासगी रुग्णालयात उपचार सुरु आहेत.