राष्ट्रीय समन्वयकपदी प्रथमेश आबनावे

पुणे, ता. ७ : अखिल भारतीय युवक काँग्रेसच्या युवक धोरण व संशोधन समितीच्या राष्ट्रीय समन्वयकपदी प्रथमेश आबनावे यांची निवड करण्यात आली. देशातून केवळ दोघांची निवड करण्यात आली असून, त्यामध्ये आबनावे व हरियानातील ॲड. उदित जगलान यांचा समावेश आहे. युवक काँग्रेसचे राष्ट्रीय अध्यक्ष श्रीनिवास बी. व्ही. यांनी त्यांच्या निवडीचे पत्र दिले.
आबनावे यांची नुकतीच युवक काँग्रेसच्या प्रदेश सरचिटणीसपदी आणि नगर ग्रामीणच्या प्रभारीपदी निवड झाली आहे. महाराष्ट्र विद्यार्थी सहाय्यक मंडळातर्फे आबनावे यांच्या निवडीबद्दल अभिनंदन करण्यात आले.
युवक धोरण व संशोधन समितीच्या समन्वयकपदी निवड झाल्याने मला युवकांसाठी राष्ट्रीय पातळीवर काम करण्याची संधी मिळाली आहे. काँग्रेस पक्षाची ध्येय-धोरणे समाजातील सर्वच स्तरांत पोचवण्यासाठी काम करणार आहे, असे आबनावे यांनी निवडीनंतर सांगितले.

62668