‘जीआयईएआयए’ची नविन कार्यकारिणी जाहीर

पुणे, ता. ११ ः सरकारी विमा उद्योगातील कर्मचाऱ्यांसाठी कार्य करणाऱ्या जनरल इंशुरन्स एम्प्लॉईज ऑल इंडिया असोसिएशनचे (जीआयईएआयए, प.वि) अधिवेशन नुकतेच पुण्यात झाले. या अधिवेशनात ‘जीआयईएआयए’ची नविन कार्यकारिणी जाहीर झाली. त्यामध्ये प्रदीप धरमठोक यांची अध्यक्षपदी, महासचिव म्हणून प्रशांत दीक्षित, सचिवपदी जितेंद्र इंगळे आदींची निवड करण्यात आली. अधिवेशनात पाच राज्यांमधील १०० हून अधिक पदाधिकाऱ्यांनी सहभाग घेतला होता. या त्रैवार्षिक अधिवेशनात विमा कर्मचाऱ्यांच्या गेल्या ५६ महिन्यांपासून दुर्लक्षित असलेल्या वेतन कराराच्या मागणीबरोबर, चार सरकारी विमा कंपन्यांचे एकत्रीकरण करणे, १९९५ची निवृत्ती योजना सर्व नविन कर्मचाऱ्यांनाही लागू करणे आदी ठराव एकमताने मंजूर करण्यात आले.