ग्राहक पंचायतीच्या राष्ट्रीय उपाध्यक्षपदी सूर्यकांत पाठक

पुणे, ता. ११ : अखिल भारतीय ग्राहक पंचायतीच्या नुकत्याच झालेल्या सर्वसाधारण सभेत उपाध्यक्ष म्हणून पुण्याचे सूर्यकांत पाठक तर राष्ट्रीय सचिव म्हणून औरंगाबादचे अरुण देशपांडे यांची निवड झाली.
हरियानातील फरिदाबाद येथे ही सभा झाली. त्यामध्ये राष्ट्रीय अध्यक्ष म्हणून गुजरातमधील बडोद्याचे नारायणभाई शहा यांची फेरनिवड झाली. तीन दिवस चाललेल्या या सर्वसाधारण सभेस देशातून २३७ प्रतिनिधी उपस्थित होते. बैठकीच्या समारोपामध्ये पुढील तीन वर्षांकरिता ३४ सदस्यांची नवीन राष्ट्रीय कार्यकारिणी जाहीर झाली.