काही भागांत आज पाणीपुरवठा बंद

पुणे, ता. ११ : जलमंदिर तसेच ससून रुग्णालय भागातून जाणारी जलवाहिनी मेट्रोच्या कामामुळे ना दुरुस्त झाली आहे. तिच्या दुरुस्तीचे काम तातडीने हाती घेतले आहे. या जलवाहिनीवर अवलंबून असणाऱ्या भागांचा येत्या गुरुवारी (ता. १२) पाणी पुरवठा बंद राहील. तसेच, येत्या शुक्रवारी (ता. १३) उशिरा व कमी दाबाने पाणी पुरवठा होईल. पाणी पुरवठा बंद असणारा भाग : घोरपडी, डिफेन्स, कँम्प पुणे कँन्टोमेंट, सोमवार पेठ, जुना बाजार परिसर, मंगळवार पेठ, कोरेगाव पार्क, ताडीवाला रोड, पुणे स्टेशन, ससून परिसर, पाटील इस्टेट, वाकडेवाडी परिसर, शिवाजीनगर जुनी पोलिस लाइन परिसर, पुणे विद्यापीठ रस्ता अशा भागांचा त्यात समावेश असल्याची माहिती पुणे महापालिकेच्या पाणीपुरवठा विभागातर्फे देण्यात आली.