खुनाच्या गुन्ह्यातील आरोपींच्या पोलिस कोठडीत वाढ

पुणे, ता. ११ : वडिलोपार्जित जमीन आणि रोजच्या भांडणातून तरुणाचा खून केल्याप्रकरणी अटक करण्यात आलेल्या तिघांच्या पोलिस कोठडीत १४ मेपर्यंत वाढ करण्यात आली आहे. चेतन ऊर्फ पांड्या रोहिदास फाळके (वय २९), अमित ऊर्फ गुंड्या चंद्रकांत फाळके (वय ३०, दोघेही रा. भूगाव) आणि रमेश ऊर्फ भगवान सुकाळे (वय २९, रा. बावधन) यांना अटक करण्यात आली आहे. प्रीतम राजेंद्र फाळके (वय २५, रा स्वॉगबर्ड सोसायटी, भूगाव) यांचा पाच मे रोजी खून करण्यात आला होता. या प्रकरणी ऋतुराज हृदयनाथ जाधव (वय ३४) यांनी फिर्याद दिली आहे. गुन्ह्याच्या पुढील तपासासाठी आरोपींच्या कोठडीत वाढ करण्याची मागणी सरकारी वकील अजिंक्य शिर्के यांनी केली होती.