‘मनपा सेवकांच्या’ आंदोलनास काँग्रेस’चा पाठिंबा ः तिवारी

पुणे, ता. १२ ः महापालिकेच्या आरोग्य अधिकाऱ्यांनी पॅनेलवर असलेल्या रुग्णालयांना पुणे मनपाच्या सीएचएस अंतर्गत तपासण्यांचे देयके अदा करण्यात येणार नाहीत, असे ५ एप्रिल रोजी कळविल्यामुळे आंदोलन करीत असलेल्या महापालिका कामगार आणि सहयोगी संघटनांना काँग्रेसचा पाठिंबा असल्याचे पक्षाचे प्रदेश प्रवक्ते गोपाळ तिवारी यांनी जाहीर केले. पुणे महानगरपालिकेला लागू असलेली योजना केंद्र सरकारच्या धर्तीवर आधारित आहेत. केंद्र सरकारच्या सूचनांनुसार देयकांची प्रतिपूर्ती महापालिका करीत आली आहे. मात्र आता अस्तित्वातील अंशदायी साहाय्य योजना मोडीत काढून सदर व्यवस्था ‘मेडिक्लेम’ अंतर्गत खासगी विमा कंपन्यांकडे सुपूर्द करण्याचा घाट प्रशासनाने घालू नये, असा इशारा तिवारी यांनी दिली आहे.