वेळे आधीच मॉन्सून केरळात दाखल होणार? | Sakal
sakal

बोलून बातमी शोधा

वेळे आधीच मॉन्सून 
केरळात दाखल होणार?
वेळे आधीच मॉन्सून केरळात दाखल होणार?

वेळे आधीच मॉन्सून केरळात दाखल होणार?

sakal_logo
By

पुणे, ता. १३ ः बळीराजासाठी एक आनंदाची बातमी...यंदा नैऋत्य मोसमी वारे (मॉन्सून) वेळे आधीच केरळमध्ये दाखल होण्याची शक्यता हवामानशास्त्र विभागाने शुक्रवारी वर्तवली आहे. या अंदाजात मागे-पुढे चार दिवसांचा फरक असण्याची शक्यता देखील वर्तविण्यात आली आहे.
हवामानशास्त्र विभागाने गुरुवारी (ता. १२) दिलेल्या माहितीनुसार बंगालच्या उपसागरात मॉन्सून दाखल होण्यासाठी हवामान पोषक झाले आहे. त्यामुळे रविवारपर्यंत (ता. १५) दक्षिण अंदमान समुद्र आणि लगतच्या उपसागरात मॉन्सून दाखल होण्याची शक्यता आहे. तर शुक्रवारी (ता. १३) हवामानशास्त्र विभागाने केरळमध्ये मॉन्‍सूनच्या आगमनाचा अंदाज जाहीर केला. त्यानुसार यंदा मॉन्सून २७ मे रोजी केरळमध्ये दाखल होऊ शकतो. सांख्यिकीय मॉडेलच्या माध्यमातून हा अंदाज जाहीर करण्यात आला आहे. साधरणपणे मॉन्सून १ जूनपर्यंत केरळमध्ये दाखल होतो. गेल्या वर्षी तीन दिवस उशिरा मॉन्‍सून केरळमध्ये दाखल झाले होते. तर यंदा पाच दिवस आधी मॉन्सून केरळमध्ये दाखल होण्याचा अंदाज आहे.
दरम्यान १४ एप्रिल रोजी जाहीर केलेल्या अंदाजानुसार यंदाच्या मॉन्सून हंगामात (जून ते सप्टेंबर) ९९ टक्के पाऊस पडण्याची शक्यता आहे. या अंदाजात पाच टक्के कमी-अधिक पाऊस पडण्याची शक्‍यताही गृहीत धरण्यात आली आहे. एकीकडे उन्हाचा वाढता कडाका, असह्य उन्हाच्या झळा यामुळे अंगाची लाहीलाही झाली होती. दरम्यान यंदा मॉन्सूनचे आगमन वेळे आधी होत असल्याने बळीराजाला देखील दिलासा मिळणार आहे. वायव्य भारतातील किमान तापमान, दक्षिण द्वीपकल्पावरील पूर्वमोसमी पावसाचे प्रमाण, आग्नेय हिंद महासागरात वाहणारे वारे, हिंद महासागरातील वारे आदी घटकांचा अभ्यास करत हा मॉन्सूनचा अंदाज वर्तविण्यात आला आहे.

केरळमध्ये मॉन्सून दाखल होण्याच्या अंदाज
वर्ष ः प्रत्यक्ष आगमनाची तारीख ः आगमनाचा अंदाज
२०१७ ः ३० मे ः ३० मे
२०१८ ः २९ मे ः २९ मे
२०१९ ः ८ जून ः ६ जून
२०२० ः १ जून ः ५ जून
२०२१ ः ३ जून ः ३१ मे

Web Title: Todays Latest Marathi News Pne22c63235 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top