योगोपचार शिक्षणासाठी कबीरबागशी करार

पुणे, ता. ः संजीवन योगोपचाराच्या शिक्षणासाठी सावित्रीबाई फुले पुणे विद्यापीठ आणि कबीरबाग मठ संस्थेमध्ये सामंजस्य करार झाला आहे. मठाच्या संजीवन योगविज्ञान प्रबोधिनी सोबत झालेल्या करार प्रसंगी विद्यापीठाचे कुलगुरू डॉ. नितीन करमळकर, प्र-कुलगुरू डॉ. एन. एस. उमराणी, कुलसचिव डॉ. प्रफुल्ल पवार, कबीर बागेच्या अध्यक्षा डॉ. अनघा भिडे, प्राचार्य डॉ. संजीव लाटे आदी उपस्थित होते. संजीवन योग विज्ञानात संशोधन आणि शिक्षणाला चालना देण्यासाठी हा करार करण्यात आला आहे. अध्यासनाच्या वतीने पदव्यूत्तर अभ्यासक्रम घेण्यात येतो. ता विद्यापीठआच्या माध्यमातून अधिक विद्यार्थ्यांपर्यंत पोचण्याचा मार्ग खुला झाल्याचे कबीर बागने म्हटले आहे. संजीवन योग प्रकल्पाची स्थापना डॉ. एस. व्ही. करंदीकर यांनी १९८९ मध्ये केली होती. हृदयविकार, पाठीच्या कण्याच्या व्याधी, दमा आदी व्याधींवर योग पद्धतीच्या माध्यमातून उपचार करण्यात येत आहे.