क्षण छायाचित्र प्रदर्शन उद्यापर्यंत खुले

पुणे, ता. १४ ः स्टारविन्स ग्रुपतर्फे आयोजित क्षण छायाचित्र प्रदर्शनाचे उद्घाटन राज्यमंत्री संजय बनसोडे यांच्या हस्ते शुक्रवारी झाले. बालगंधर्व रंगमंदिराच्या कलादालनात १६ मे पर्यंत सकाळी दहा ते रात्री आठ दरम्यान हे प्रदर्शन सर्वांसाठी असेल. यानिमित्ताने बनसोडे यांच्या हस्ते क्षण पुरस्कार सहेली संस्थेच्या तेजस्वी सेवेकरी, गिर्यारोहक स्मिता घुगे, पुणे फोटोग्राफर्स आणि व्हिडिओग्राफर्स असोसिएशनचे अध्यक्ष अभय काप्रे आणि रॅम्बो सर्कसचे संचालक सुजित दिलीप यांना प्रदान करण्यात आले. याप्रसंगी विनायक रेणके, ग्रुपचे प्रणव तावरे, स्वरदा देवधर, मयूर बनसोडे उपस्थित होते. चरणराज लोखंडे यांनी प्रास्ताविक केले तर राज देशपांडे यांनी आभार मानले.