हडपसर-हैदराबाद एक्स्प्रेस कुर्डुवाडीहून रवाना होणार

पुणे, ता. १४ ः प्रवाशांच्या सुविधेचा विचार करता रेल्वे प्रशासनाने हडपसर -हैदराबाद एक्सप्रेसच्या स्थानकात थोडा बदल केला आहे. हा बदल दौंड यार्डमधील कामांमुळे करण्यात आला आहे. २६ व २८ मे रोजी हैदराबाद-हडपसर एक्स्प्रेस ही कुर्डुवाडीपर्यंत धावेल. ती हडपसरला येणार नाही. त्यामुळे २७ व २९ मे रोजी ही रेल्वे कुर्डुवाडी स्थानकावरूनच हैदराबादला रवाना होणार आहे. प्रवाशांनी हा बदल लक्षात घेऊनच रेल्वे प्रवास करावा, असे आवाहन रेल्वे प्रशासनाने केले आहे.