पुणे-सोलापूर एक्स्प्रेस २५ दिवसांसाठी रद्द

पुणे, ता. २३ : सोलापूर रेल्वे विभागात भिगवण-वाशिंबे या स्थानकांदरम्यान दुहेरीकरणाचे काम सुरू आहे. त्यासाठी नॉन इंटरलॉकिंगचे काम हाती घेण्यात आले आहे. या कामाकरिता २५ जुलै ते ९ ऑगस्ट दरम्यान ब्लॉक घेण्यात येणार आहे. या दरम्यान पुणे-सोलापूर इंटरसिटी एक्स्प्रेससह पुणे-सोलापूर डेमू रद्द करण्यात आली आहे. तर लोकमान्य टिळक टर्मिनस-विशाखापट्टणम एक्सप्रेसच्या मार्गात बदल करण्यात आला आहे. ही रेल्वे २५ जुलै ते ९ ऑगस्ट दरम्यान पुणे-मिरज-कुर्डुवाडी मार्गे धावणार आहे. प्रवाशांनी याची नोंद घ्यावी, असे आवाहन आयोजकांच्या वतीने करण्यात आले.

रद्द केलेली गाडी कालावधी
पुणे-सोलापूर-पुणे डेमू २४ जुलै ते १८ ऑगस्ट
पुणे-सोलापूर-पुणे एक्स्प्रेस २५ जुलै ते १८ ऑगस्ट
पुणे-भुवनेश्वर-पुणे एक्स्प्रेस २६ जुलै ते ४ ऑगस्ट
पंढरपूर-दादर एक्स्प्रेस २४ जुलै ते १ ऑगस्ट