ओशो मान्सून फेस्टिव्हल ११ ऑगस्टपासून

पुणे, ता. २ ः ध्यान आणि उत्सव यांच्या मिलापातून जीवन जगण्याच्या ओशोंच्या विचारापासून प्रेरित होत देशात सुरू पावसाळ्याच्या पार्श्वभूमिवर ओशो आश्रमात मॉन्सून फेस्टिव्हलचे आयोजन केले आहे. ११ ते १५ ऑगस्ट दरम्यान हा फेस्टिव्हल होणार आहे.
हा कार्यक्रम जगभरातील अभ्यागतांसाठी तीव्र ऊर्जा क्षेत्रात सहभागी होण्यासाठी एक संधी ठरणार आहे. उत्सवादरम्यान ध्यान रिसॉर्टच्या विस्तीर्ण आवारात ७१ हून अधिक कार्यक्रम सादर केले जाणार आहेत. विविध क्रांतिकारी ओशो ध्यान, ची गॉन्ग आणि प्रख्यात संगीतकारांचे थेट संगीत ध्यान त्यात असेल. १२ ऑगस्ट रोजी एक गीतात्मक संध्याकाळ असणार आहे. ज्यात सुरेंद्र शर्मा, अंबर खरबंदा, वरुण ग्रोवर आदी यांच्यासह दिग्दर्शक/संगीतकार विशाल भारद्वाज यात आपली कला सादर करणार आहेत. १३ ऑगस्टला बासरीवादक बिक्रम सिंग त्यांच्या बँडला निओ-संन्यास साजरा करणाऱ्या ध्यान आणि उत्सवी संगीताकडे नेतील.