..तर भारतीयांवर औषधे होतील निष्प्रभ देशासमोर अॅंटिबायोटिक रेजिस्टन्सचे संकट; ‘लॅन्सेट’मध्ये शोधनिबंध प्रकाशित | Sakal
sakal

बोलून बातमी शोधा

..तर भारतीयांवर औषधे होतील निष्प्रभ 
देशासमोर अॅंटिबायोटिक रेजिस्टन्सचे संकट; ‘लॅन्सेट’मध्ये शोधनिबंध प्रकाशित
..तर भारतीयांवर औषधे होतील निष्प्रभ देशासमोर अॅंटिबायोटिक रेजिस्टन्सचे संकट; ‘लॅन्सेट’मध्ये शोधनिबंध प्रकाशित

..तर भारतीयांवर औषधे होतील निष्प्रभ देशासमोर अॅंटिबायोटिक रेजिस्टन्सचे संकट; ‘लॅन्सेट’मध्ये शोधनिबंध प्रकाशित

sakal_logo
By

पुणे, ता. ७ : जगात सर्वाधिक प्रतिजैविकांचा (अॅंटिबायोटिक्स) वापर करणाऱ्यांमध्ये भारताने आघाडी घेतली आहे. त्यामुळे देश अॅंटिबायोटिक्स रेजिस्टन्स म्हणजेच औषधे निष्प्रभ होण्याच्या एका मोठ्या संकटाच्या तोंडाशी येऊन ठेपला आहे.

नवी दिल्लीतील पब्लिक हेल्थ फाउंडेशन आणि अमेरिकेतील बोस्टन युनिव्हर्सिटीच्या शास्रज्ञांनी २०१९ मध्ये भारतातील प्रतिजैविकांचा खपासंदर्भात एक संशोधन केले आहे. लॅन्सेट या आंतरराष्ट्रीय शोधपत्रिकेत प्रसिद्ध झालेल्या या संशोधनामुळे अॅंटिबायोटिक्स रेजिस्टन्सचा धोका पुन्हा एकदा अधोरेखित झाला आहे. राष्ट्रीय स्तरावर प्रतिजैविकांच्या वापरासंबंधीचे धोरण असूनही अंमलबजावणी अभावी अयोग्य वापर आणि परस्पर प्रतिजैविके घेणाऱ्या नागरिकांचे प्रमाण वाढले असल्याचे या संशोधनातून स्पष्ट झाले. गंमत म्हणजे ॲझिथ्रोमायसीन ५०० मिलीग्रॅम या औषधाचा सर्वाधिक खप असून, त्या खालोखाल सेफीक्झाईम २०० मिलीग्रॅम हे औषध घेतले जाते. जगात बंदी असलेल्या प्रतिजैविक औषधांचाही भारतात मोठ्या प्रमाणावर खप होतो.

वापर वाढण्याची कारणे
- डॉक्टरांच्या सल्ल्याशिवाय औषध घेणे
- गरज नसतानाही औषधे घेणे
- सर्दी खोकल्यापासून शस्रक्रियेपर्यंत अनियंत्रित वापर
- प्रतिजैविक औषधांची सहज उपलब्धता आणि नागरिकांमधील सजगतेचा अभाव
- आरोग्य कर्मचाऱ्यांमध्ये प्रशिक्षणाचा अभाव
- संसर्गजन्य आजारांचे प्रमाण वाढल्यामुळे प्रतिजैविकांचा वापर वाढला

उपाय
- डॉक्टरांनी औषधे सुचविताना प्रतिजैविकांची काळजी घ्यावी
- मनाप्रमाणे प्रतिजैविके घेणे बंद करावे
- राष्ट्रीय धोरणाची कडक अंमलबजावणी करावी
- आरोग्य कर्मचाऱ्यांना तसेच डॉक्टरांना यासंबंधी प्रशिक्षण गरजेचे

अॅंटिबायोटिक्स रेजिस्टन्स
प्रतिजैविकांच्या अति किंवा अयोग्य वापरामुळे संबंधित रोगकारक जिवाणू स्वतःची प्रतिकारशक्ती विकसित करते. काही कालावधीनंतर संबंधित औषधे या विशिष्ट जिवाणूंविरूद्ध निष्प्रभ ठरतात. पर्यायाने औषधे घेऊनही रोगी बरा होत नाही.

अॅंटिमायक्रोबियल रेजिस्टन्समुळे सहा महिने औषधे घेऊन बरे होणारे रोग आज दीड-दीड वर्षे औषध घेऊनही बरे होत नाही. ऑस्ट्रेलिया, चीन, स्वीडन या देशांनी कायद्याची कडक अंमलबजावणी करून हा रेजिस्टन्स २२ ते ३६ टक्क्यांपर्यंत कमी केला आहे. डॉक्टरांचे प्रशिक्षण, जनजागृती, प्रतिजैविकांवर नियंत्रण आणि आवश्यक तिथे हस्तक्षेप केल्यास आपण या संकटावर मात करू शकतो.
- डॉ. आरती नगरकर, शास्त्रज्ञ, आरोग्यशास्त्र विभाग, सावित्रीबाई फुले पुणे विद्यापीठ

Web Title: Todays Latest Marathi News Pne22d98217 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..