येरवड्यात आठ लाखांचे अमली पदार्थ जप्त

पुणे, ता. ४ ः रेकॉर्डवरील गुन्हेगाराला मेफेड्रॉन या अमली पदार्थाची विक्री करताना अटक केली आहे. ही कारवाई गुन्हेशाखेच्या अमली पदार्थ विरोधी पथक १ ने केली.
समीर ऊर्फ आयबा शहाजहान शेख असे अटक केलेल्याचे नाव आहे. येरवडा पोलिस ठाण्याच्या परिसरात पर्णकुटी पायथा दरबार बेकरी समोरील रस्त्यावर शेख संशयितरीत्या फिरत असल्याने पोलिसांनी त्याची चौकशी केली. त्याच्याकडून ७ लाख ८१ हजार ३५० रुपये किमतीचे ५२ ग्रॅम ९० मिलीग्रॅम मेफेड्रॉन (एम.डी) हा अमली पदार्थ, ५ हजार रुपये किमतीचा इलेक्ट्रिक वजन काटा आणि इतर असा एकूण ७ सात ८८ हजार ३५० रुपये किमतीचा मुद्दे माल जप्त केला आहे. अधिक तपास वरिष्ठ पोलिस निरीक्षक विनायक गायकवाड करत आहेत.