शिवाजीनगर, डेक्कन परिसरात उद्या दोन तास वीजपुरवठा बंद

पुणे, ता. २ : औंध ते रावेत बीआरटी रस्त्यावरील महापारेषणच्या १३२ केव्ही अतिउच्चदाबाच्या वीजवाहिन्यांसाठी नवीन मनोरे उभारणीचे व इतर दुरुस्तीचे पूर्वनियोजित दुसऱ्या टप्प्यातील काम रविवारी (ता. ४) सकाळी सहा ते आठपर्यंत करण्यात येणार आहे. त्यामुळे या दोन तासांत शिवाजीनगर व डेक्क्नमधील काही परिसराचा वीजपुरवठा बंद ठेवण्यात येणार असल्याचे महावितरणकडून सांगण्यात आले.
महापारेषण कंपनीच्या गणेशखिंड ते चिंचवड तसेच गणेशखिंड ते रहाटणी या अतिउच्चदाब १३२ केव्ही वीजवाहिन्यांचे मनोरे व तारांमुळे औंध ते रावेत बीआरटी रस्त्यावरील वाहतुकीस मोठा अडथळा निर्माण होत आहे. तो दूर करण्यासाठी नवीन मोनोपोल टॉवर उभारण्याचे व इतर पहिल्या टप्प्यातील कामे गुरुवारी पूर्ण झाले आहे. दुसऱ्या टप्प्यातील उर्वरित काम रविवारी (ता. ४) सकाळी सहा ते आठ दरम्यान पूर्ण करण्यात येणार आहे. त्यामुळे एफसी रस्ता, वाकडेवाडी, मॉडेल कॉलनी, मोदीबाग १, रेंज हिल्स, ई-स्क्वेअर, वडारवाडी, गोखलेनगर, लकाकी रस्ता, सेनापती बापट रस्ता, हनुमाननगर, मंगलवाडी, वेताळबाबा चौक, राजभवन, खैरेवाडी, अशोकनगर, यशवंत घाडगेनगर, पोलिस लाइन वसाहत, घोले रस्ता, शिवाजीनगर गावठाण, काँग्रेस भवन, सावरकर भवन, जिल्हा न्यायालय, कामगार पुतळा, तोफखाना, मंगला टॉकीज, आयआयटीएम, कॅस्टेल रॉयल टॉवर, काकडे मॉल, एसएसपीएमएस कॉलेज, रेव्हेन्यू कॉलनी, आकाशवाणी, शिमला ऑफिस, सीआयडी वसाहत, संचेती रुग्णालय, लक्ष्मी रस्ता, नारायण पेठ, शनिवार पेठ व सदाशिव पेठचा काही भाग, चित्रशाळा, आपटे रस्ता, शिरोळे रस्त्याचा अर्धा भाग, जंगली महाराज रस्ता, पुलाची वाडी, छत्रपती चौक, आयएमडीआर कॉलेज, गणेशवाडी आदी परिसरात दोन तास वीजपुरवठा बंद राहणार आहे.