बँकेचा दरवाजा उचकटून चोरीचा प्रयत्न

पुणे, ता. ३ ः मुंढव्यात केशवनगर भागातील साधना सहकारी बँकेचा दरवाजा उचकटून चोरट्यांनी चोरीचा प्रयत्न केल्याचा प्रकार उघडकीस आला, तसेच बँकेशेजारी असलेल्या औषध विक्री दुकानाचा दरवाजाही चोरट्यांनी उचकटल्याचेही निदर्शनास आले. याबाबत बँकेच्या मुंढवा शाखा व्यवस्थापकांनी मुंढवा पोलिस ठाण्यात फिर्याद दिली आहे. पोलिसांनी घटनास्थळी जाऊन परिसरातील सीसीटीव्ही कॅमेऱ्यांचे चित्रीकरण तपासासाठी ताब्यात घेतले आहे.
-----------------------