हडपसरमध्ये २६ लाखांचा गुटखा जप्त

पुणे, ता. ३ ः गुन्हे शाखेच्या खंडणीविरोधी पथक - २ ने गुटखा विक्री करणाऱ्यावर कारवाई केली. त्याच्याकडून २५ लाख ८० हजार रुपयांचा गुटखा जप्त केला आहे.
प्रकाश प्रेमाराम भाटी (वय ३३, रा. फ्लॅट नं. २०५, ए - बिल्डिंग, समर्थ कान्हा, कात्रज कोंढवा रस्ता) या आरोपीवर हडपसर पोलिस ठाण्यात गुन्हा दाखल केला आहे. चारचाकी गाडीतून सरकारने प्रतिबंधित केलेला तंबाखूजन्य गुटखाविक्री केला जाणार असल्याची टीप पोलिस अंमलदार यांना मिळाली. त्यानुसार पोलिस निरीक्षक, बालाजी पांढरे यांनी नोबेल हॉस्पिटल शेजारी, मुंढवा-हडपसर रस्त्यावर येथे सापळा रचून आरोपीला गाडीसह पकडले.