स्वामी विवेकानंद यांना अभिवादन

पुणे, ता. ४ : सावित्रीबाई फुले पुणे विद्यापीठात स्वामी विवेकानंद यांच्या स्मृतिदिनानिमित्त प्र-कुलगुरू डॉ. संजीव सोनवणे यांनी विद्यापीठाच्या खाशाबा जाधव क्रीडा संकुल येथील स्वामी विवेकानंद यांच्या पुतळ्यास पुष्पहार अर्पण करून अभिवादन केले. यावेळी डॉ. सोनवणे म्हणाले, ‘‘उठा, जागे व्हा, आणि आपले ध्येय प्राप्त होईपर्यंत थांबू नका अशी शिकवण स्वामी विवेकानंद यांनी युवकांना दिली. विद्यापीठातील क्रीडा संकुलात असणाऱ्या स्वामी विवेकानंद यांच्या पुतळ्याकडे बघून युवकांनाही सतत प्रेरणा मिळेल.’’ यावेळी जयकर ज्ञानस्रोत केंद्राच्या संचालिका डॉ. अपर्णा राजेंद्र, उपवित्त लेखा अधिकारी डॉ. शिवाजी अहिरे, विद्यापीठातील विविध विभागांचे विभागप्रमुख, शिक्षक व शिक्षकेतर सेवक उपस्थित होते.