भरधाव वाहनाच्या धडकेत पादचाऱ्याचा मृत्यु

पुणे, ता. १० ः भरधाव वाहनाच्या धडकेने पादचाऱ्याचा मृत्यू झाली. ही घटना शुक्रवारी पहाटे पावणेदोन वाजण्याच्या सुमारास सावित्रीबाई फुले पुणे विद्यापीठासमोरील चौकात घडली.
अपघातात मृत्यू झालेल्या पादचाऱ्याची अद्याप ओळख पटलेली नाही. याप्रकरणी पोलिस कर्मचारी राजू भिसे यांनी चतुःशृंगी पोलिस ठाण्यात फिर्याद दाखल केली. त्यावरुन अनोळखी वाहनचालकाविरुद्ध गुन्हा दाखल केला आहे. पोलिसांनी दिलेल्या माहितीनुसार, संबंधित पादचारी शुक्रवारी पहाटे सावित्रीबाई फुले पुणे विद्यापीठासमोरील चौकातून पाषाण रस्त्याकडे जात होता. त्यावेळी पाठीमागून आलेल्या भरधाव वाहनाने त्यास जोरात धडक दिली. या अपघातात गंभीर जखमी झाल्याने पादचाऱ्याचा मृत्यू झाला. या घटनेनंतर वाहनचालक पोलिसांना माहिती न देता तेथून पसार झाला. पादचाऱ्याची अद्याप ओळख पटलेली नसून त्याचे वय अंदाजे ४० आहे. याप्रकरणी वाहनचालकाविरुद्ध गुन्हा दाखल केला आहे.