‘रात्रशाळा पूर्णवेळ न केल्यास आंदोलन’

पुणे, ता. १६ : राज्यातील रात्र शाळांना पूर्णवेळ शाळांचा दर्जा मिळावा, या मागणीसाठी राष्ट्रवादी शिक्षक सेलच्या वतीने मुंबई येथील आझाद मैदानावर १५ ऑगस्ट रोजी धरणे आंदोलन करण्यात येणार आहे.
शालेय शिक्षण विभागाने रात्रशाळा आणि कनिष्ठ महाविद्यालये यांच्या संदर्भात ३० जून २०२२ रोजी काढलेला शासन निर्णय रद्द करावा आणि माध्यमिक व उच्च माध्यमिक शिक्षण संचालक यांच्या ४ डिसेंबर २०१८च्या अहवालानुसार रात्रशाळा व कनिष्ठ महाविद्यालये पूर्णवेळ न केल्यास हे आंदोलन करण्यात येईल, असा इशारा राष्ट्रवादी शिक्षक सेलने निवेदनाद्वारे दिला आहे. याप्रसंगी राष्ट्रवादी शिक्षक सेलचे अध्यक्ष अविनाश ताकवले, उपाध्यक्ष दत्तात्रय सोनवणे, सरचिटणीस सुनील सुसरे, कार्याध्यक्ष नंदकुमार सातपुते, खजिनदार गजेंद्र गाडगीळ, सुनील पाटील, सतीश वाघमारे, यांच्या शिष्टमंडळाने शिक्षण आयुक्तालयात आपल्या विविध मागण्यांचे निवेदन दिले आहे.