बीएस्सी कॉम्प्युटर सायन्स परीक्षेच्या वेळापत्रकात बदल

पुणे, ता. १८ ः सावित्रीबाई फुले पुणे विद्यापीठाच्या बीएस्सी कॉम्प्युटर सायन्स पदवी परीक्षेच्या वेळापत्रकात बदल केला आहे. अंतिम वर्षाची परीक्षा आणि एमसीए सीईटी परीक्षा एकाच दिवशी आल्याने विद्यापीठाने वेळापत्रकात बदल केला आहे. २, ३, ४, आणि ५ ऑगस्ट रोजी होणाऱ्या परीक्षांमध्ये बदल केला आहे. अनुक्रमे १८, १३, १९ आणि १७ ऑगस्टला या परीक्षा घेण्यात येणार आहे. संबंधित महाविद्यालयांनी तातडीने नवे वेळापत्रक जाहीर करावे, अशी सूचना विद्यापीठाच्या परीक्षा विभागातर्फे देण्यात आली आहे. विद्यापीठाच्या http://www.unipune.ac.in/ या संकेतस्थळावर हे वेळापत्रक पाहता येईल.