‘यूपीएससी’च्या पूर्वतयारीसाठी ‘बार्टी’तर्फे तीनशे विद्यार्थांना प्रशिक्षण | Sakal
sakal

बोलून बातमी शोधा

‘यूपीएससी’च्या पूर्वतयारीसाठी
‘बार्टी’तर्फे तीनशे विद्यार्थांना प्रशिक्षण
‘यूपीएससी’च्या पूर्वतयारीसाठी ‘बार्टी’तर्फे तीनशे विद्यार्थांना प्रशिक्षण

‘यूपीएससी’च्या पूर्वतयारीसाठी ‘बार्टी’तर्फे तीनशे विद्यार्थांना प्रशिक्षण

sakal_logo
By

पुणे, ता. ९ : डॉ. बाबासाहेब आंबेडकर संशोधन व प्रशिक्षण संस्थेमार्फत (बार्टी) केंद्रीय लोकसेवा आयोगाच्या (यूपीएससी) पूर्वतयारीसाठी दिल्ली येथे अनुसूचित जातीतील दोनशे उमेदवारांना मोफत विशेष प्रशिक्षण देण्यात येते, परंतु आता त्यामध्ये शंभरने वाढ करून आता २०२२-२३ या वर्षापासून एकूण तीनशे उमेदवारांना हे प्रशिक्षण देण्याचा निर्णय सामाजिक न्याय मंत्री धनंजय मुंडे यांनी घेतला आहे. या पार्श्वभूमीवर ‘बार्टी’मार्फत विशेष चाचणी परीक्षा घेऊन ‘यूपीएससी’ परीक्षेची पूर्वतयारी करणाऱ्या तीनशे विद्यार्थ्यांना या प्रशिक्षणासाठी निवडले जाणार आहे.

दिल्ली येथील प्रशिक्षण संस्थेस देण्यात येणारे संपूर्ण प्रशिक्षण शुल्क, विद्यार्थ्यांना उपस्थितीनुसार विद्यावेतन दरमहा दोन हजार रुपये दिले जाते. याशिवाय पहिल्या महिन्यातील आर्थिक साहाय्य तीन हजार रुपये आणि सुरवातीच्या दिल्ली येथील प्रवासाकरिता पाच हजार रुपये व प्रशिक्षण संपल्यानंतर परतीच्या प्रवासासाठी पाच हजार रुपये प्रवास भत्ता विद्यार्थ्यांना देण्यात येणार आहे.
या प्रशिक्षणाचा लाभ घेण्यासाठी अनुसूचित जातीतील इच्छुक उमेदवारांनी अधिक माहितीसाठी ‘https://barti.in’ या संकेतस्थळाला भेट द्यावी, असे आवाहन बार्टीचे महासंचालक धम्मज्योती गजभिये यांनी केले आहे.

Web Title: Todays Latest Marathi News Pne22m78156 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top