धमकावून पैसे उकळणाऱ्या चौघांना अटक

पुणे, ता. १० : तरुणाला अडवून त्याकडे दारू पिण्यासाठी पैसे मागत त्याला कोयत्याचा धाक दाखवून लुटल्याप्रकरणी चौघांना सिंहगड रस्ता पोलिसांनी अटक केली. न्यायालयाने त्यांना १३ जूनपर्यंत पोलिस कोठडी सुनावली आहे.
साहिल परमेश्‍वर ढगे (वय २१), मयूर मोहन शिंदे (वय २३), शुभम श्रीकृष्ण सदाफुले (वय २१) आणि अंकित शिवाजी होटगिर (वय १९, सर्व रा. हिंगणे खुर्द) अशी अटक आरोपींची नावे आहेत. तर आणखी दोघांवर गुन्हा दाखल केला आहे. याबाबत सूरज संतोष ढवळे (वय १८, रा. हिंगणे) यांनी फिर्याद दिली. गुरुवारी (ता. ९) रात्री एकच्या सुमारास हिंगणे खुर्दमधील गणाधिश संकुल येथे हा प्रकार घडला. पुढील तपासासाठी आरोपींना पोलिस कोठडी देण्याची मागणी सरकारी वकील गिरीश बारगजे यांनी केली.