विभागीय रेल्वे सल्लागार समिती सदस्यांच्या बैठकीत विविध मागण्या

पुणे, ता. १० : रेल्वे प्रवाशांच्या सोयीसाठी स्थानकांवर लिफ्ट बसविण्यात यावी. तसेच प्रवाशांचे बॅगा व अन्य काही वस्तू हरविल्यास त्याची तक्रार तसेच त्याचा शोध घेण्याची प्रक्रिया ऑनलाइन करावी, अशा विविध मागण्या निखिल काची यांनी विभागीय रेल्वे सल्लागार समिती सदस्याच्या बैठकीत केल्या. अध्यक्षस्थानी विभागीय रेल्वे व्यवस्थापक रेणू शर्मा यांची उपस्थिती होती.
बैठकीत रेल्वे प्रशासनाने सदस्यांच्या मागणीचा योग्य तो विचार केला जाईल, असे आश्वासन दिले. यावेळी सुनील मोदी, निखिल काची, गोपाल तिवारी, विनीत पाटील, सुरेश माने, बशीर सुतार, अप्पासाहेब शिंदे, अजित चौगुले, किशोर धोंडिराम बोरावत, शिवनाथ बिहाणी, दिलीप बटवाल आदी सदस्य उपस्थित होते. तसेच रेल्वेच्या वतीने अतिरिक्त विभागीय रेल्वे व्यवस्थापक बृजेश कुमार सिंह, प्रकाश उपाध्याय यांच्या सह वरिष्ठ विभागीय वाणिज्य व्यवस्थापक डॉ मिलिंद हिरवे आदी वरिष्ठ अधिकारी उपस्थित होते.