बलात्कारप्रकरणी एकास अटक

पुणे, ता. १४ : बलात्कार करून जबरदस्तीने गर्भपात करण्यास भाग पाडून लग्नाचा तगादा लावला तसेच अश्लील व्हीडिओ व्हायरल करण्याची धमकी दिल्याप्रकरणी भारती विद्यापीठ पोलिसांनी एकाला अटक केली. न्यायालयाने त्याला १७ जूनपर्यंत पोलिस कोठडीत ठेवण्याचा आदेश दिला. दीपककुमार चौधरी-जयस्वाल (वय २२) असे अटक करण्यात आलेल्याचे नाव आहे. या बाबत २२ वर्षीय तरुणीने फिर्याद दिली आहे. २० नोव्हेंबर २०२१ रोजी दुपारी कात्रज परिसरात ही घटना घडली. चौधरी याने फिर्यादीवर बलात्कार केला. त्यातून त्या गर्भवती राहिल्यानंतर चार फेब्रुवारी २०२२ रोजी त्यांचा जबरदस्तीने गर्भपात केला. तसेच लग्न करण्यासाठी जबरदस्ती केली तर फिर्यादीचे अश्लील व्हीडिओ व्हायरल करण्याची धमकी त्याने दिली, असे फिर्यादीत म्हटले आहे. गुन्ह्याच्या पुढील तपासासाठी आरोपीला पोलिस कोठडी देण्याची मागणी सरकारी वकील वर्षाराणी जाधव यांनी केली आहे.