स्वमग्न मुले रमली संतांच्या जयघोषात

पुणे, ता. २२ : संत ज्ञानेश्वर आणि संत तुकाराम महाराजांच्या पालख्यांच्या पार्श्वभूमिवर ‘प्रसन्न ऑटिझम सेंटर’च्या स्वमग्न मुलांनी उत्साहात पालखी काढली. सर्व विद्यार्थी पारंपरिक वेषभूषेत हातामध्ये झेंडा, टाळ घेऊन संतांच्या जयघोषात तल्लीन झाले. प्रसन्न ऑटिझम केंद्राच्या कार्यकारी अध्यक्ष साधना गोडबोले व मुलांनी संतांच्या प्रतिमेचे पूजन केले. याप्रसंगी रोटरी क्लब ऑफ पुणे फॉर्च्युनचे डॉ. दीपक तोष्णीवाल, शिल्पा तोष्णीवाल उपस्थित होते. केंद्रातील शिक्षक आणि मावश्यांनी याचे नियोजन केले.