विविध कायद्यांबाबत जागरूकता शिबिर

पुणे, ता. २२ : महाराष्ट्र राज्य विधी सेवा प्राधिकरणाच्या ‘किमान समान कार्यक्रम २०२२’ मध्ये दिलेल्या निर्देशानुसार जागतिक बाल कामगारविरोधी दिनानिमित्त जिल्हा विधी सेवा प्राधिकरण आणि बाल न्याय मंडळ यांचे संयुक्त विद्यमाने बाल निरिक्षण गृहामध्ये कायदेविषयक शिबिर आयोजित केले होते. जिल्हा विधी सेवा प्राधिकरणाच्या सचिव मंगल कश्यप, बाल न्याय मंडळाच्या पीठासीन अधिकारी मानसी परदेशी, डॉ. एल. एन. दानावडे, के. टी. थोरात, जी. एन. पडघन, के. एस. कोल्हटकर उपस्थित होते. शिबिरामध्ये परदेशी यांनी बाल न्याय मंडळाच्या कार्यवाहीची माहिती दिली. दानावडे यांनी बाल कामगार विरोधीदिन, तसेच अन्न सुरक्षा कायदा या विषयावर माहिती दिली. कोल्हटकर यांनी मोफत आणि सक्तीचे शिक्षण कायदा यावर माहिती सांगितली. कश्यप यांनी विधी संघर्षग्रस्त बालक व त्यांच्या पालकांशी संवाद साधून मार्गदर्शन केले. या शिबिरात पुणे निरिक्षण गृहामधील सुमारे ७५ बालकांनी सहभाग घेतला.