संकेतस्थळावर सोफा विक्री महागात | Sakal
sakal

बोलून बातमी शोधा

संकेतस्थळावर सोफा विक्री महागात
संकेतस्थळावर सोफा विक्री महागात

संकेतस्थळावर सोफा विक्री महागात

sakal_logo
By

पुणे, ता. २६ ः ऑनलाइन माध्यमाद्वारे गृहपयोगी वस्तूची विक्री करणे एका नागरिकास चांगलेच महागात पडले. गृहपयोगी वस्तु ७० हजार रुपयांना घेतो, असे सांगून सायबर गुन्हेगाराने संबंधित नागरिकास क्‍युआर कोड स्कॅन करण्यास भाग पाडून त्यांच्या बॅंक खात्यातील तब्बल पाच लाख रुपये लंपास केल्याचा धक्कादायक प्रकार उघडकीस आला आहे.
याप्रकरणी एका नागरिकाने चतु:शृंगी पोलिस ठाण्यात फिर्याद दिली आहे. फिर्यादी हे बाणेर रस्ता परिसरात राहात आहेत. काही दिवसांपूर्वी त्यांनी जुन्या वस्तु विक्री करणाऱ्या एका संकेतस्थळावर त्यांच्या घरातील जुना सोफा विक्री करण्याबाबतची जाहिरात दिली होती. त्यानंतर सायबर गुन्हेगाराने त्यांच्याशी संपर्क साधला. त्यांनी सोफा खरेदीचा बहाणा करून त्यांचा सोफा ७० हजार रुपये किमतीला विकत घेतो, असे आमिष दाखविले. त्यानंतर त्याने फिर्यादीच्या मोबाईलवर एक क्‍युआरकोड पाठविला. संबंधित क्‍युआर कोड स्कॅन करून फिर्यादीने त्यास पाठविला. त्यानंतर फिर्यादीच्या बॅंक खात्यातील पाच लाख सहा हजार ६०० रुपये चोरट्यांनी लंपास केले. दरम्यान, बॅंक खात्यातून पैसे काढण्यात आल्याचा मेसेज फिर्यादीस प्राप्त झाल्यानंतर आपली फसवणूक झाल्याचे त्यांच्या लक्षात आले. त्यानंतर त्यांनी तत्काळ पोलिसांकडे फिर्याद दिली. या प्रकरणाचा तपास सहायक पोलिस निरीक्षक गायकवाड तपास करीत आहेत.

खबरदारी घ्या
सायबर गुन्हेगार ऑनलाइन खरेदी-विक्रीचा बहाणा करून नागरिकांची फसवणूक करतात. त्यामुळे नागरीकांनी ऑनलाइन खरेदी-विक्री करताना योग्य ती खबरदारी घ्यावी. तसेच, कोणत्याही प्रकारे फसवणूक होत असल्याचे निदर्शनास आल्यानंतर पोलिसांशी संपर्क साधावा, असे आवाहन पोलिसांनी केले आहे.

इथे साधा संपर्क...
- सायबर पोलिस व्हॉटस्‌अप क्रमांक ः ७०५८७१९३७१, ७०५८७१९३७५
- सायबर पोलिस ठाणे ः ०२०-२९७१००९७
- ई-मेल - crimecyber.pune@nic.in

Web Title: Todays Latest Marathi News Pne22m84150 Txt Pune Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..