आव्हाड कुटूंबियांना एक लाखाची मदत

पुणे, ता. २३ : औरंगाबाद येथील मयत मनोज आव्हाड यांच्या कुटुंबीयांची भेट घेऊन एक लाख रुपयांची मदत रिपब्लिकन पक्षाच्या वतीने जाहीर करण्यात आली. आव्हाड यांच्या कुटुंबीयांची केंद्रीय सामाजिक न्याय राज्यमंत्री रामदास आठवले, मातंग आघाडीचे प्रदेशाध्यक्ष हनुमंत साठे यांच्यासह कार्यकर्त्यांनी भेट घेतली. या वेळी पक्षाच्या वतीने ही मदत देऊ केली. तसेच आव्हाड यांच्या हत्याकांडातील आरोपींना दलित अत्याचार प्रतिबंधक अत्याचार कायद्यांतर्गत कारवाई करण्याच्या सूचना यावेळी आठवले यांनी पोलीसांना दिल्या. तर आव्हाड यांच्या पत्नीला शासकीय नोकरीत समाविष्ट करून घेण्याबाबतच्या सूचना समाज कल्याण अधिकाऱ्यांना यावेळी त्यांनी दिल्या, असल्याची माहिती साठे यांनी दिली.